साताको अन्तिम कारोबार दिन अर्थात् बिहीबार नेप्से परिसूचक ८.७१ अंकले घटेको छ।
यसदिन नेप्से ०.४२ प्रतिशतले घटेर २०४९.२८ विन्दुमा बन्द भएको छ।
बिहीबारको बजारमा ५ अर्ब ५८ करोड ११ लाख ७ हजार ८०४ रूपैयाँको सेयर कारोबार भएको छ।
बुधबार ४ अर्ब ४ करोड ८८ लाख ५७ हजार ४५४ रूपैयाँको सेयर कारोबार भएको थियो।
बुधबारको तुलनामा आज कारोबार रकम १ अर्ब ५४ करोड रूपैयाँ बढी हो।
यस दिन ३०३ वटा धितोपत्रको १ करोड ६० लाख ५२ हजार १०१ कित्ता सेयर किनबेच भएको हो।
बिहीबार ११३ कम्पनीको सेयर मूल्य बढेको छ भने १२८ वटाको घटेको छ। यस्तै, ५ कम्पनीको सेयर मूल्य स्थिर रहेको छ।
यसदिन ४ कम्पनीको सेयर मूल्य सर्किट लेभलमा बढेको छ।
कालिका पावर र सिंगटी हाइड्रोको सेयर मूल्य १० प्रतिशतले बढेको छ।
यस्तै, नेपाल वयर हाउजिङको सेयर मूल्य ९.९९ प्रतिशत र मुक्तिनाथ कृषि कम्पनीको सेयरमूल्य ९.९८ प्रतिशतले बढेको हो।
यसैगरी, सिद्धार्थ प्रिमियर इन्स्योरेन्सको सेयरमूल्य सर्वाधिक ६.५६ प्रतिशतले घटेको छ। उक्त कम्पनीको प्रतिकित्ता मूल्य ७६९ रूपैयाँ पुगेको छ।
यस्तै, मन्दाकिनी हाइड्रोपावरको सेयर मूल्य ५.८० प्रतिशतले घटेर प्रति कित्ता मूल्य ४१९ रूपैयाँ १० पैसा कायम भएको छ।
बिहीबार सोनापुर मिनरल्सको सर्वाधिक कारोबार भएको छ।
उक्त कम्पनीको प्रतिकित्ता ५०८ रूपैयाँमा ३३ करोड ४५ लाख बराबरको सेयर कारोबार भएको हो।
यो मूल्य अघिल्लो दिनको तुलनामा ५.२० प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा शिवम् सिमेन्ट रहेको छ। उक्त कम्पनीको प्रतिकित्ता ५३३ रूपैयाँ १० पैसामा १९ करोड ४८ लाख रूपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये जलविद्युत, लगानी, म्युचुअल फण्ड र व्यापार समूहको परिसूचक बढेको छ भने बाँकी सबै समूहको परिसूचक घट्दा समग्र नेप्से बढेको हो।
यसदिन व्यापार समूहको परिसूचक सर्वाधिक २.३४ प्रतिशतले बढेको छ।
