आइतबार नेपाल स्टक एक्सचेञ्ज (नेप्से)मा हिमालयन रिइन्स्योरेन्सको आइपिओ सूचीकृत भएको छ। कम्पनीको १० करोड कित्ता आइपिओ नेप्सेमा सूचीकृत भएको हो।
कम्पनीले सर्वसाधारण लगानीकर्ताहरूको लागि (वैदेशिक रोजगारीमा रहेका नेपाली, सामूहिक लगानी कोष, स्थानीय बासिन्दा र कर्मचारीहरू) समेत तीन करोड कित्ता र कम्पनीका संस्थापक सेयरधनीहरूले लगानी गरेको सात करोड कित्ता सेयर गरी उक्त सेयर नेप्सेमा सूचीकृत गराएको हो।
नेप्सेले पहिलो कारोबारको लागि न्यूनतम १०३ रूपैयाँ ७ पैसादेखि ३०९ रूपैयाँ २१ पैसासम्म ओपनिङ रेन्ज तोकेको छ।
सोही रेञ्जमा रहेर सोमबारदेखि कम्पनीको सेयर कारोबार खुला हुनेछ।
नेप्सेले कम्पनीको वास्तविक नेटवर्थको तीन गुणासम्म पहिलो कारोबारको लागि मूल्य रेञ्ज तोक्ने गर्छ।
कम्पनीको 'एचआरएल' संकेतमा सेयर कारोबार खुला हुनेछ।
