मंगलबार नेप्से परिसूचक २०.६२ अंकले बढेको छ।
यसदिन नेप्से १ प्रतिशतले बढेर २०८०.१२ विन्दुमा बन्द भएको छ।
मंगलबारको बजारमा ६ अर्ब ११ करोड ८३ लाख १७ हजार ८६६ रूपैयाँको सेयर कारोबार भएको छ।
सोमबार ४ अर्ब ६७ करोड ५२ लाख २४ हजार ९०६ रूपैयाँको सेयर कारोबार भएको थियो।
सोमबारको तुलनामा आज कारोबार रकम १ अर्ब ४४ करोड रूपैयाँ बढी हो।
यस दिन ३०९ वटा धितोपत्रको १ करोड ७९ लाख ४९ हजार ५६२ कित्ता सेयर किनबेच भएको हो।
मंगलबार १६५ कम्पनीको सेयर मूल्य बढेको छ भने ७७ वटाको घटेको छ। यस्तै, ५ कम्पनीको सेयर मूल्य स्थिर रहेको छ।
यसदिन १० कम्पनीको सेयर मूल्य सर्किट लेभलमा बढेको छ।
कर्णाली डेभलपमेन्ट बैंक, सिन्धु विकास बैंक, कालिका लघुवित्त, सप्तकोशी डेभलपमेन्ट बैंक, अपर स्याङ्गे हाइड्रोपावर, त्रिशूली जलविद्युत, मुक्तिनाथ कृषि कम्पनी र हिमालयन रिइन्स्योरेन्सको सेयर मूल्य १० प्रतिशतका दरले बढेको छ।
यस्तै, नेपाल वयर हाउजिङ र तेह्रथुम पावरको सेयरमूल्य ९.९९ प्रतिशतले बढेको छ।
यसैगरी, धैलागिरी लघुवित्तको सेयरमूल्य सर्वाधिक ८.१९ प्रतिशतले घटेको छ। उक्त कम्पनीको प्रतिकित्ता मूल्य ९३१ रूपैयाँ पुगेको छ।
यस्तै, सिइबिडी हाइड्रोपावको सेयर मूल्य ५.९० प्रतिशतले घटेर प्रति कित्ता मूल्य एक हजार एक सय रूपैयाँ कायम भएको छ।
मंगलबार सोनापुर मिनरल्सको सर्वाधिक कारोबार भएको छ।
उक्त कम्पनीको प्रतिकित्ता ४९३ रूपैयाँमा २१ करोड ४९ लाख बराबरको सेयर कारोबार भएको हो।
यो मूल्य अघिल्लो दिनको तुलनामा २.५७ प्रतिशत घटेको हो।
सर्वाधिक सेयर खरिद–बिक्री हुने दोस्रो कम्पनीमा नेपाल इन्फ्रास्टक्चर बैंक (निफ्रा) रहेको छ। उक्त कम्पनीको प्रतिकित्ता २३१ रूपैयाँ ५० पैसामा १९ करोड ७३ लाख रूपैयाँ बराबरको सेयर कारोबार भएको छ।
मंगलबार विकास बैंक समूहमा लगानीकर्ताहरूको उच्च आकर्षण देखिएको छ। उक्त समूहको परिसूचक सर्वाधिक ५.२१ प्रतिशतले बढेको छ।
आज कारोबारमा आएका १३ वटा समूहगत परिसूचकमध्ये जलविद्युत, उत्पादन तथा प्रशोधन र म्युचुअल फण्ड समूहको परिसूचक घटेको छ भने बाँकी सबै समूहको परिसूचक बढ्दा समग्र नेप्से बढेको हो।
