ग्लोबल आइएमई बैंकले ग्लोबल रेमिटमार्फत् विदेशबाट पैसा पठाउँदा २५० रूपैयाँसम्म क्यासब्याक पाइने नयाँ योजना सार्वजनिक गरेको छ।
'पैसा आउने, थपेर पाउने' नारा सहित सार्वजनिक गरेको क्यासब्याक योजनामा ग्लोबल रेमिटमार्फत् विदेशबाट ग्लोबल आइएमई बैंकमा रहेको खातामा पैसा पठाउँदा २५० रूपैयाँसम्मको क्यासब्याक पाइनेछ।
बैंकले रेमिटेन्स कारोबारलाई प्रवर्द्धन गर्ने उद्देश्यका साथ ग्लोबल रेमिटमार्फत् विदेशबाट पैसा पठाउने व्यक्तिले यस क्यासब्याक योजनाअन्तर्गत २५ हजार रूपैयाँसम्म पैसा पठाउँदा १०० रूपैयाँ, त्यसैगरी पाँच हजार रूपैयाँसम्म पैसा पठाउँदा २०० रूपैयाँ र ५ हजार रूपैयाँभन्दा बढी पैसा पठाउँदा २५० रूपैयाँ क्यासब्याक प्राप्त गर्नेछन्।
यो योजना जनवरी ३१, २०२४ सम्म लागू रहने बैंकको भनाइ छ।
ग्लोबल आइएमई बैंकमा नयाँ खाता खोलेर वा निष्क्रिय खातालाई पुनः सक्रिय बनाएर उक्त खातामा ग्लोबल रेमिटमार्फत् पैसा पठाउँदा बैंकले रेमिटेन्समार्फत् आएको पैसामा २५० रूपैयाँसम्म थप गरिदिनेछ।
बैंकले देशका ७७ वटै जिल्लाका शाखा तथा तीन अन्तर्राष्ट्रिय सम्पर्क/वैदेशिक प्रतिनिधि कार्यालय सहित एक हजार एक सयभन्दा बढी सेवा केन्द्रबाट बैंकिङ सेवा प्रदान गर्दै आएको छ।
