साताको पहिलो कारोबार दिन अर्थात् आइतबार नेप्से परिसूचक दोहोरो अंकले बढेको छ।
गत माघ ३ गतेदेखि नेप्से लगातार घट्ने क्रममा रहेको थियो। यसरी घट्दा नेप्सेले ९१ अंक गुमाइसकेको छ।
तर आइतबार भने नेप्से १०.३७ अंकले बढेको छ। यसदिन नेप्से ०.४९ प्रतिशतले बढेर २०९४.४६ बिन्दुमा बन्द भएको छ।
आइतबारको बजारमा ३ अर्ब ८३ करोड ३७ लाख ७६ हजार ५८० रूपैयाँको सेयर कारोबार भएको छ।
गत कारोबार दिन अर्थात् शुक्रबार ३ अर्ब ७६ करोड रूपैयाँको सेयर कारोबार भएको थियो।
शुक्रबारको तुलनामा आज कारोबार रकम ७ करोड रूपैयाँ बढी हो।
यस दिन ३०६ वटा धितोपत्रको १ करोड ७ लाख ५१ हजार १६४ कित्ता सेयर किनबेच भएको हो।
आइतबार १७३ कम्पनीको सेयर मूल्य बढेको छ भने ७० वटाको घटेको छ। यस्तै, ४ कम्पनीको सेयर मूल्य स्थिर रहेको छ।
यसदिन २ कम्पनीको सेयर मूल्य १० प्रतिशतले बढेको छ। मिड सोलु हाइड्रोपावर र माथिल्लो मैलुङ खोला हाइड्रोपावरको सेयरमूल्य १० प्रतिशतका दरले बढेको छ।
चन्द्रागिरी हिल्सको सेयरमूल्य सर्वाधिक ९.८६ प्रतिशतले घटेको छ। उक्त कम्पनीको मूल्य ९४२ रूपैयाँ कायम भएको छ।
यस्तै, इन्फिनिटी लघुवित्तको सेयर मूल्य ६.४० प्रतिशतले घटेको छ। उक्त योजनाको प्रति कित्ता मूल्य ७५९ रूपैयाँ पुगेको छ।
आइतबार हिमालयन रिइन्स्योरेन्सको सर्वाधिक कारोबार भएको छ।
उक्त कम्पनीको प्रतिकित्ता ६४५ रूपैयाँमा ३३ करोड ५३ लाख बराबरको सेयर कारोबार भएको हो।
यो मूल्य अघिल्लो दिनको तुलनामा ०.२८ प्रतिशत घटेको हो।
सर्वाधिक सेयर खरिद–बिक्री हुने दोस्रो कम्पनीमा ङादी ग्रुप पावर रहेको छ। उक्त कम्पनीको प्रतिकित्ता ३४६ रूपैयाँमा २३ करोड ५३ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये ९ समूहको परिसूचक बढेको छ भने बाँकी ४ समूहको परिसूचक घटेको छ।
यसदिन होटल्स तथा पर्यटन समूहको परिसूचक सर्वाधिक १.८६ प्रतिशतले घटेको छ भने जलविद्युत समूहको परिसूचक सर्वाधिक १.३३ प्रतिशतले बढेको हो।
