नेपाल उद्योग वाणिज्य महासंघमा चर्को गुटबन्दी देखिएको छ । विधान संसोधनको विषयलाई लिएर पछिल्लो समय महासंघमा विवाद बढीरहेको बेलामा उपाध्यक्षहरुले अर्को छुट्टै सार्वजनिक कार्यक्रम नै गरेका छन्।
वर्तमन उपाध्यक्षसहित पुर्व वरिष्ठ उपाध्यक्षले महासंघको विधानमा रहेको वरिष्ठ उपाध्यक्ष स्वत: अध्यक्ष हुने प्रावधान हटाउन लबिइङ गरेका हुन्।
शेखर गोल्छा अहिले वरिष्ठ उपाध्यक्ष छन्।
बुधबार पत्रकार सम्मेलन महासंघका वर्तमान र पूर्व उपाध्यक्षहरुले बहुमतबाट पारित भए रोक्न नहुने पक्षमा वकालत गरेका थिए।
उनीहरुले पत्रकार सम्मेलनमा बहुमतबाट विधान संशोधन भए अध्यक्षका लागि निर्वाचन हुने जानकारी गराएका हुन्।
उक्त पत्रकार सम्मेलनमा महासंघका जिल्ला नगर उपाध्यक्ष किशोरकुमार प्रधान, वस्तुगत उपाध्यक्ष उमेशलाल श्रेष्ठ, एशोसिएट उपाध्यक्ष चन्द्रप्रसाद ढकाल र पुर्व वरिष्ठ उपाध्यक्ष भाष्करराज राजकर्णिकार थिए ।
उनीहरुले विद्यमान विधान संसोधन भएलगत्तै त्यसको कार्यन्वयन हुनुपर्ने र अहिलेबाट प्रत्यक्ष निर्वाचित अध्यक्ष हुनुपर्ने माग गरेका हुन् ।
गत भदौ ३० मा ७ जना पूर्व अध्यक्षहरुले भेला हुदै महासंघका वरिष्ठ उपाध्यक्ष शेखर गोल्छाको पक्षमा उभिएका थिए । अध्यक्षको भेलामा पुर्व अध्यक्ष चण्डीराज ढकाल भने थिएनन् ।
उनीहरुको पनि अध्यक्षको निर्वाचन प्रत्यक्ष निर्वाचन प्रणालीमार्फत गर्न प्रस्ताव थियो । तर, यो नियम शेखर गोल्छा अध्यक्ष भएपछि मात्रै लागु हुने उनीहरुको भनाइ छ । साथै उनीहरुले विशिष्ट सदस्य समेत हटाउने सहमती गरेका थिए ।
यो सँगै पुर्वअध्यक्षहरुले विभिन्न ६ बुँदामा विधान संसोधनको प्रस्ताव दिने लिखित सहमतीसँगै महासंघको केन्द्रीय कार्यलमा निवेदन दिएका थिए ।
महासंघले आगामी कार्तिक २९ मा साधारण सभाको मिति यसअघिनै तोकिसकेको छ उक्त साधारण सभाले नै महासंघको विधान संशोधन गर्नेछ ।