नेपाल सिमेन्ट उत्पादक संघले केही विज्ञापन एजेन्सीहरूविरुद्ध अवैध रूपमा शुल्क असुली गरेको आरोप लगाएको छ।
'विज्ञापन सम्झौता नगरी उद्योगहरूबाट शुल्क माग्ने, दबाब दिने जस्ता कार्य भइरहेको छ,' उत्पादक संघले जारी गरेको विज्ञप्तिमा भनिएको छ।
संघले स्थानीय तहसँग अनुमति लिएर मात्र विज्ञापन गर्नुपर्ने कानुनी प्रावधान रहेको स्मरण गराएको छ।
तर, केही एजेन्सीहरूले स्वीकृति नलिइ उद्योगहरूमाथि शुल्क तिर्न दबाब दिएको आरोप छ। प्रेस विज्ञप्तिमा भनिएको छ, 'स्थानीय तहबाट स्वीकृति लिइएको छैन भने भुक्तानी दिनु उद्योगहरूमाथि अन्याय हो।'
संघले उद्योगहरूलाई यस्ता अनधिकृत मागहरू अस्वीकार गर्न र कानुनी प्रक्रिया पूरा नगरी भुक्तानी नगर्न आग्रह गरेको छ।
साथै, गैरकानुनी रूपमा शुल्क असुल्ने एजेन्सीहरूविरुद्ध कारबाही गर्न सम्बन्धित निकायलाई अनुरोध गरेको छ।
-1746009348.jpg)
