टौरियन एमपिएस लिमिटेड (क्रसिङ, स्क्रिनिङ तथा मटेरियल प्रोसेसिङ उपकरण निर्माणमा विश्वव्यापी रूपमा स्थापित) कम्पनीले आरबिजी इन्टरनेसनल प्रा.लि.लाई नेपालका लागि आफ्नो आधिकारिक डिलरका रूपमा औपचारिक रूपमा नियुक्त गरेको छ।
उक्त साझेदारी होटल बराही प्लाजा, काठमाडौंमा आयोजित एक औपचारिक समारोहमार्फत सम्पन्न गरिएको थियो, जसमा टौरियन एमपिएस लिमिटेडका तर्फबाट आनन्द मोहन (ग्लोबल सेल्स डाइरेक्टर) तथा तरसेम पठानिया (उपाध्यक्ष–अन्तर्राष्ट्रिय बिक्री) को उपस्थिति रहेको थियो।
आरबिजी इन्टरनेसनलका तर्फबाट बलराम उपाध्याय (अध्यक्ष), रवि रञ्जन कुमार (निर्देशक) तथा श्यामल झा (निर्देशक) को उपस्थिति रहेको थियो, जसले यस साझेदारीप्रति कम्पनीको उच्चस्तरीय प्रतिबद्धता झल्काउँछ।
सन् २००५ मा स्थापित टौरियन एमपिएस लिमिटेडले इन्जिनियरिङ उत्कृष्टता, उच्च कार्यसम्पादन तथा ग्राहक–केन्द्रित समाधानमार्फत बलियो प्रतिष्ठा निर्माण गरेको छ।
कम्पनीको उपस्थिति हाल उत्तर अमेरिका, रुस, मध्यपूर्व लगायत विभिन्न अन्तर्राष्ट्रिय बजारहरूमा विस्तार भइरहेको छ। नेपालमा यो नियुक्ति उच्च सम्भावना भएका बजारहरूमा आफ्नो उपस्थिति सुदृढ गर्ने रणनीतिक कदमका रूपमा लिइएको छ।
आरबिजी इन्टरनेसनल प्रा.लि. सन् २०१९ मा स्थापना भएको कम्पनी हो, जसले नेपालभर एडमिक्स्चर केमिकल, निर्माण उपकरण, आरएमसी एक्सेसरीज तथा वाटरप्रुफिङ समाधानहरूमा सक्रिय रूपमा कार्य गर्दै आएको छ। कम्पनीले आफ्नो प्राविधिक दक्षता र परियोजना–केन्द्रित कार्यशैलीमार्फत बजारमा बलियो विश्वास निर्माण गरेको छ।
यसै आधारमा आरबिजी इन्टरनेसनल अब टौरियन एमपिएस लिमिटेडसँगको साझेदारीमार्फत क्रसर प्लान्ट क्षेत्रमा प्रवेश गर्दैछ, जहाँ गुणस्तरीय उपकरणसँगै बलियो बिक्रीपछिको सेवा प्रणालीमार्फत छिटो सेवा, कम डाउनटाइम र दीर्घकालीन भरपर्दो सञ्चालन सुनिश्चित गर्ने लक्ष्य राखिएको छ।
नेपालमा तीव्र गतिमा बढिरहेको जलविद्युत तथा पूर्वाधार विकासलाई ध्यानमा राख्दै, उच्च क्षमताका क्रसर प्लान्ट तथा मटेरियल प्रोसेसिङ उपकरणहरूको माग निरन्तर वृद्धि भइरहेको छ।
यसै आवश्यकता अनुसार आरबिजी इन्टरनेसनल अब टौरियन एमपिएस लिमिटेडसँगको साझेदारीमार्फत क्रसर प्लान्ट क्षेत्रमा प्रवेश गर्दैछ।
यस साझेदारीले नेपालमा अत्याधुनिक क्रसिङ तथा स्क्रिनिङ समाधानहरूको पहुँच वृद्धि गर्ने तथा देशको पूर्वाधार विकास र औद्योगिक प्रगतिमा सकारात्मक योगदान पुर्याउने अपेक्षा गरिएको छ।
