सफ्टवेरिका कलेज अफ आइटी एण्ड इकमर्सले आयोजना गरेको सूचना प्रविधि प्रदर्शनी सम्पन्न भएको छ।
‘लिउँ अवसर बढाउँ क्षमता’ भन्ने नाराका साथ सञ्चालन गरिएको सो प्रदर्शनीमा विद्यार्थीहरूले विकास गरेका सफ्टवेयर, एआई आधारित उपकरण, साइबर सुरक्षा सम्बन्धी प्रणाली लगायतका सिर्जनात्मक आविष्कारहरू प्रस्तुत गरिएको थियो।
सप्ताहव्यापी प्रदर्शनीको दौरानमा विद्यार्थी, अभिभावक, शिक्षक तथा सूचना प्रविधिमा रूची राख्ने विभिन्न क्षेत्रका व्यक्तिहरुको उपस्थिति थियो।
प्रदर्शनीमा कलेजका विद्यार्थीहरूले आर्टिफिसियल इन्टेलिजेन्स (एआई) मा आधारित सिसी क्यामेरा, ह्याकिङबाट बच्ने सुरक्षात्मक प्रणाली, आपतकालिन अवस्थाका लागि प्रयोग गर्न सकिने ड्रोन, शैक्षिक व्यवस्थापन प्रणाली जस्ता व्यावहारिक र नविनतम प्रविधिको प्रदर्शन गरेका थिए।
विद्यार्थीहरूले निर्माण गरेको ‘एआई सिसी क्यामेरा ‘सिस्टम’प्रति अभिभावकहरू एवं अवलोकनकर्ताहरुको गहिरो चासो देखिएको कलेका अध्यक्ष विज्ञान श्रेष्ठले जानकारी दिए।
‘हामीकहाँ विद्यार्थीले शैक्षिक ज्ञानलाई व्यवहारिक प्रयोगमा कसरी रुपान्तरण गर्न सक्छन् भन्ने कुराको जीवन्त उदाहरण यो प्रदर्शनीले देखाएको छ,’ उनले भने।
उनका अनुसार सुरक्षाका दृष्टिले उक्त सिस्टमले औद्योगिक तथा व्यवसायिक क्षेत्रमा उच्च सम्भावना बोकेको छ।
अवलोकनकर्ताहरुले विद्यार्थीहरुमा रहेको नवप्रवर्तनशील सोच र प्राविधिक कौशल अव्बल रहेको बताएका थिए।
-1746009348.jpg)
