सफ्टवेरिका कलेज अफ आइटी एण्ड ई–कमर्सद्वारा आयोजना गरिएको चारदिने भव्य प्रविधि महोत्सव ‘टेक एक्सः एलिभेट २०२५’ उत्साहपूर्वक सम्पन्न भएको छ।
असार ३२ गतेदेखि श्रावण तीन गतेसम्म सञ्चालित यो कार्यक्रम प्रविधिमा चासो राख्ने विद्यार्थी, व्यवसायिक प्रतिनिधि, शैक्षिक संस्था, इन्फ्लुएन्सर र लगानीकर्ताहरूको साझा मञ्च बनेको थियो।
प्रदर्शनीमा दश हजारभन्दा बढी अवलोकनकर्ताहरूको उपस्थिति थियो। कार्यक्रममा विद्यार्थीहरूद्वारा विकास गरिएका २० भन्दा बढी नवीन प्रविधिमूलक प्रोजेक्टहरू प्रदर्शन गरिएका थिए।
करुणा (नलेज–बेस्ड असिस्टेन्ट फर रोबोटिक युटिलिटी एण्ड नेभिगेसन एक्ट्स), मिरा (मोडर्न एजुकेशनल एण्ड एंगेजमेन्ट रोबोटिक असिस्टेन्ट), स्टडीसेन्स (भर्चुअल रियालिटी–इनेब्ल्ड गेमिफाइड कोर्स काउन्सेलर), तोमात्रों (द एआई–पावर्ड एग्रोबोट फर प्रिसिजन टोमाटो हार्भेस्टिङ), फिसअवेर, फ्लिप आरएफआईडी, केम्ल्याब भीआर, एभिलट्वीन डिटेक्टर एमएल, सुरक्षित एभी स्ट्रिम जस्ता इनोभेसनहरूले दर्शकहरूको ध्यान तानेको थियो।
कार्यक्रमको समापन समारोहमा आयोजक संस्थाले ‘टेक एक्सः एलिभेट २०२५’ लाई केवल प्रविधिको प्रदर्शनी नभई शिक्षा, नवप्रवर्तन र प्रेरणाको समागमको रूपमा लिएको छ।
-1746009348.jpg)
