झापाको विर्तामोडमा चिनियाँ लगानीमा औद्योगिक पार्क बन्ने भएको छ। दक्षिण एशियाकै उत्कृष्ट हुने भनिएको उक्त पार्क निर्माणका लागी बिहीबार काठमाडौंमा आयोजीत एक कार्यक्रममा नेपाल लगानी बोर्ड र दमक क्लिन इन्डष्ट्रि पार्कबीच समझदारीपत्र (एमओयू) मा हस्ताक्षर भएको हो। पार्कका अध्यक्ष गोविन्द थापा र लगानी बोर्डका अध्यक्ष महाप्रसाद अधिकारीले समझदारीपत्रमा हस्ताक्षर गरेका हुन्।
६५ अर्बमा बन्ने भनिएको पार्क १ हजार ६ सय हेक्टरमा फैलने छ। चार चरणमा बन्ने पार्कलार्इ पहिलो चरणमा ५८ करोड ६० लाख अमेरिकी डलर लगानी गरेर निमार्ण सुरु गर्न लागिएको हो । पार्कमा काम, आराम, मनोरन्जन र संकृतिक रुपले पनि महत्वपुर्ण हुने बताइएको छ। पार्कको नाम भने चीन-नेपाल मैत्री औद्योगीक पार्क राखिएको छ।
पार्क झापाको दमक नगरपालिका, गौरादह नगरपालिका र कमल गाउँपालिको क्षेत्र ओगट्छ। पार्क निमार्णको लागी यसअघिनै मुआब्जा दिएर जग्गा अधिग्रहण गरीसकिएको छ।
कर्यक्रममा चिनियाँ प्रतिनिधिमण्डलको पनि उपस्थिति थियो।चिनियाँ प्रतिनिधिमण्डलका नेता जोउ चेङ जीले औद्योगिक पार्क उद्योग र सहरको एकीकृत विकासको मोडलमा तयार पारिने बताए। उनले सो औद्योगिक पार्क दक्षिण एसियाकै आधुनिक औद्योगिक पार्क हुने र औद्योगिक पार्क बनेपछि दशौं हजारले रोजगार पाउने बताए।
