उद्योग विभागले ट्रेडमार्कका लागि आवेदन दिएका ९ सय ५६ कम्पनीको ट्रेडमार्क सार्वजनिक गरेको छ। विभागले विभागको औद्योगिक बुलेटिनमा सार्वजनिक गरेको हो।
आवश्यक जाँचबुझ गरी कसैको दावी विरोध भए त्यस्तो दावी विरोध गर्न मौका दिने उद्देश्यले बुलेटिनमा प्रकाशन गरिएको विभागले बताएको छ।
बुलेटिनमा प्रकाशन भएको ३ महिना भित्र दावी विरोधी गर्न सकिने छ।
‘कसैको दावी विरोध पर्न आएमा सो उपर समेत छानबिन गरी दर्ता गर्न उपयुक्त ठहरिएमा दर्ता गर्ने व्यवस्था गरेको छ,’ विभागको सूचनामा उल्लेख छ।
उक्त बुलेटिन नेपाल उद्योग वाणिज्य महासंघ, नेपाल घरेलु तथा साना उद्योग महासंघ, नेपाल उद्योग परिसंघ र नेपाल चेम्बर अफ कमसर्शमा समेत पठाइने विभागले बताएको छ।
फेसबुक, एप्पल, रियलमी, स्काेडा लगायतका विदेशी र सुजल डेरीका उत्पादन र स्वदेशी चियालगायतका कम्पनीहरुकाे ट्रेडमार्क सार्वजनिक भएकाे छ।