सोमबार रोकिएका डेढ सय यात्रु बोकेर नेपाल एयरलाइन्सको वाइडबडी जहाज बैंकक उडेको छ।
मंगलबार दिउँसो ११:३० मा निगमको वाइडबडी ३३० जहाजमार्फत् सोमबार रोकिएका सबै यात्रु बैंकक पठाइएको निगमका प्रवक्ता रमेश पौडेलले बताए।
निगमको न्यारोबडी जहाजमा प्राविधिक समस्या देखिएपछि सोमबार उक्त जहाज ग्राउन्डेड गरिएको थियो। काठमाडौं-बैंकक उडान हुन नसक्दा निगमले डेढ सय यात्रुलाई होटलमा व्यवस्थापन गरेको थियो।
यता सोमबार प्राविधिक समस्या देखिएको न्यारोबडी जहाज हिजै राति १२:३० बजे १५१ यात्रु लिएर क्वालालम्पुर उडेको उनले बताए।
मंगलबार सोही जहाजले १५४ जना यात्रु लिएर क्वालालाम्पुरबाट काठमाडौं आउँदैछ।
