नेपाल एसोसिएसन अफ टुर एन्ड ट्राभल एजेन्ट्स (नाट्टा) को २०२६ को निर्वाचनलाई लक्षित गर्दै पर्यटन व्यवसायी भरत जंग पाण्डेले आफ्नो नेतृत्वमा 'भरत एण्ड टिम' घोषणा गरेका छन्।
नाट्टाको ५९औं वार्षिक साधारणसभासँगै हुने २५औं कार्यसमिति निर्वाचन आगामी १४ अगस्ट २०२६ मा हुने तय भएको छ।
प्यानलमा वरिष्ठ उपाध्यक्षमा सुनिल शर्मा, उपाध्यक्षमा सबिता के. भट्टराई, महासचिवमा राजकुमार देवकोटा, सचिवमा रमेश पराजुली, कोषाध्यक्षमा डिकी शेर्पा तथा सह–कोषाध्यक्षमा जीवन कोइराला उम्मेदवार रहेका छन्।
त्यसैगरी कार्यसमिति सदस्यमा दिनानाथ पाण्डे (प्रकाश), दिनेश मैनाली, दीपक मरासेनी, नबिन गुरुङ, प्रकाश लोहानी, सरला सापकोटा, सुमनलाल श्रेष्ठ र स्वस्तिका प्रधान उम्मेदवार रहेका छन्।
भरत जंग पाण्डेले पर्यटन व्यवसायीको हित, संस्थागत सुदृढीकरण तथा नाट्टालाई अझ प्रभावकारी र सदस्यमैत्री संस्था बनाउने प्रतिबद्धतासहित आफ्नो उम्मेदवारी अघि सारेको बताएका छन्।
