नेपाली कांग्रेसका नेता शेखर कोइरालालाई विशिष्ट अतिथि बनाउने विषयमा कुरा नमिल्दा मधेस कांग्रेस कार्यसमितिमा विवाद भएको छ।
नेता कोइराला पक्षका ८ जना नेताहरूले बुधबार बसेको प्रदेश कार्यसमिति बैठकमा फरक मतसमेत राखेका छन्।
यही पुस ५ र ६ गते कांग्रेस मधेस प्रदेशले पहिलो सम्मेलन गर्दैछ। जनकपुरमा हुने सम्मेलनका लागि केन्द्रीय सभापति र पदाधिकारीहरूसहित नेता कोइरालालाई पनि बोलाइएको छ।
कोइरालालाई बेवास्ता गर्दै सम्मेलनमा अतिथिहरूलाई आसनग्रहण गराउन खोजिएको भन्दै कोइराला पक्षका आठ जना नेताहरूले फरक मत राखेका हुन्।
कांग्रेसको सभापति पदमा पराजित व्यक्तिलाई दोस्रो वरीयतामा राख्नुपर्ने माग कोइराला पक्षका नेताहरूको छ। २०७८ मंसिरमा भएको १४ औं महाधिवेशनमा सभापति पदमा शेरबहादुर देउवासँग कोइराला पराजित भएका थिए।
यो पनि: शेखरको वरीयतालाई लिएर कांग्रेसमा फेरि विवाद
कांग्रेसकै लुम्बिनी र गण्डकी प्रदेश सम्मेलनमा कोइरालालाई सभापति देउवापछिको वरीयता 'विशिष्ट अतिथि' का रूपमा बोलाइएको थियो।
‘यी सबै पार्टीका परम्परा र मूल्य मान्यताहरूलाई हठात् बेवास्ता गर्दै गुटगत मानसिकताबाट मात्र अभिप्रेरित भएर मधेस प्रदेशमा पार्टीकै सांगठानिक संरचनामा विग्रह ल्याउने गरी मनोमानीपूर्ण तवरले आसनग्रहण गराउन लागेको विषयप्रति घोर आपत्ति जनाउँदै यो कार्यसमितिमा फरक मत राख्दछौं,’ ८ नेताले हस्ताक्षर गरेको फरक मतमा उल्लेख छ।
रामसरोज यादव, रेखा यादव, रविनचन्द्र कोइराला, उदयनारायण चौधरीलगायतले फरक मत राखेका हुन्।
उनीहरूले प्रदेश सम्मेलन सफलताका लागि सहयोग गर्ने बताएका छन्।
यस्तो छ फरक मत:
