नेपाली कांग्रेसका सांसद प्रदीप पौडेलले रुस जान श्रम स्वीकृति दिइएको भन्दै प्रश्न उठाएका छन्।
प्रतिनिधि सभाको सोमबारको बैठकमा बोल्दै उनले यसअघि नै रुस गएका नेपालीहरूले दु:ख पाइरहेको र सरकारले फिर्ता ल्याउन नसकेको पनि बताए।
‘यति नै बेला श्रम मन्त्रालयले रुसमा श्रम स्वीकृति किन दियो?,’ पौडेलले भने, ‘मानव तस्करहरूलाई अनुकूल हुने गरी श्रम मन्त्रालयले रुस जाने स्वीकृति किन दियो? यसभित्र गम्भीर स्वार्थ लुकेको छ।’
रुसी सेनामा कार्यरत रहेकाहरूका परिवारले नेपालमा प्रदर्शन गरिराखेको पनि उनले बताए।
