सत्तारूढ राष्ट्रिय स्वतन्त्र पार्टी (रास्वपा) का प्रमुख सचेतक सन्तोष परियारले प्रमुख प्रतिपक्षी नेपाली कांग्रेसले उठाएका विषय संवादबाटै समाधान गर्नुपर्ने बताएका छन्।
सभामुख देवराज घिमिरेसँग सिंहदरबारमा छलफल गरेपछि पत्रकारहरूसँग कुराकानी गर्दै आइतबार दिउँसो प्रमुख सचेतक परियारले भने, ‘संसदमा प्रमुख प्रतिपक्षीले उठाएको एउटा विषय छ, त्यो विषयमा हामी संवादमा छौं, छलफल गरिरहेका छौं। उहाँहरूले जे भन्नुभयो त्यही त हुँदैन। तर पनि संवादबाट टुंग्याउनुपर्छ र समस्या समाधान हुन्छ भन्नेमा विश्वस्त छौं।’
कांग्रेसले सहकारी प्रकरणमा उपप्रधान तथा गृहमन्त्री रवि लामिछाने जोडिएको भन्दै संसदीय छानबिन समिति गठनको माग गर्दै आएको छ।
साथै प्रमुख सचेतक परियारले जेठ १ गते सरकारले नीति तथा कार्यक्रम ल्याउने र त्यो बैठक अवरोध नहुनेमा विश्वस्त रहेको पनि बताएका थिए।
कोही मानिस शक्ति संरचनामा अगाडि गयो भने प्रश्न खडा गरिने गरिएको उनको भनाइ थियो।
उपप्रधान तथा गृहमन्त्री लामिछानेले चितवनमा शनिबार दिएको अभिव्यक्तिबारे सोधिएको प्रश्नमा परियारले भने, ‘गृहमन्त्रीले कहाँ यो कुन प्रसंगमा के भन्नु भएको ठ्याक्कै सुनेको छैन। त्यसरी भन्नुहुन्छ भन्ने मलाई लाग्दैन, म हेर्छु।’
भिडिओ:
