प्रमुख प्रतिपक्षी नेपाली कांग्रेसको नाराबाजीपछि प्रतिनिधि सभा बैठक स्थगित भएको छ।
सहकारी प्रकरणमा उपप्रधान तथा गृहमन्त्री रवि लामिछाने जोडिएको भन्दै कांग्रेसले संसदीय छानबिन समिति गठनको माग गरिरहेको छ।
नीति तथा कार्यक्रम प्रस्तुतपछि राष्ट्रपति रामचन्द्र पौडेललाई धन्यवाद दिन मंगलबार अपराह्न बसेको बैठक कांग्रेसको अवरोधपछि स्थगित भएको हो।
बैठकपछि बाहिरिँदै गृहमन्त्री रवि लामिछानेले नीति तथा कार्यक्रममा कतिपय पुराना कुराहरू आए पनि नयाँ विषय पनि समावेश भएको बताएका छन्।
'पुराना कुरालाई पनि निरन्तरता दिइएको छ। नयाँ कयौं कुराहरू आएका छन्। खानेपानी, गृह मन्त्रालय, शिक्षा मन्त्रालयमा नयाँ कुरा आएका छन्। मूल कुरा हामी कार्यान्वयनमा जाने कुरालाई ध्यान दिनुपर्छ,' उनले भने।
जाँदाजाँदै पत्रकारले 'संसदको रमिता कहिले हट्ला गृहमन्त्रीज्यू?' भनेर सोधेको प्रश्नमा उनले भने, 'कांग्रेसलाई सोध्नुपर्छ।'
