नेकपा (एमाले) संसदीय दलको बैठक बुधबार बस्दैछ।
संघीय संसद् भवन नयाँ बानेश्वरको ल्होत्से हलमा मध्याह्न साढे १२ बजे संसदीय दलको बैठक बस्ने प्रमुख सचेतक महेश बर्तौैलाले जानकारी दिए।
संसदीय दलको बैठकमा समसामयिक राजनीतिक परिस्थिति र संसद्को गतिरोधबारे छलफल हुने उनले बताए।
प्रमुख प्रतिपक्षी दल नेपाली कांग्रेसले सहकारीको बचत अपचलनमा उपप्रधान तथा गृहमन्त्री रवि लामिछाने समेतको संलग्नता रहेको भन्दै संसदीय छानबिनब समितिको माग राखेको छ। यसले संसद् बैठक अवरूद्ध तुल्याउँदै आएको छ।
कांग्रेसको अवरोधको कारण संसद्को बजेट अधिवेशन प्रभावित भएको छ।
मंगलबार प्रधानमन्त्री पुष्पकमल दाहाल ‘प्रचण्ड’ले सदनको गतिरोध खुलाउने विषयमा कांग्रेस महामन्त्री गगनकुमार थापा र प्रमुख सचेतक रमेश लेखकसँग कुराकानी गरेका थिए।
प्रधानमन्त्रीसँगको संवादपछि राष्ट्रपति रामचन्द्र पौडेललाई संघीय संसदको संयुक्त बैठकलाई सम्बोधन गर्न दिन सहमत भएको थियो।
लगत्तैको प्रतिनिधि सभा र राष्ट्रिय सभाको बैठक भने उसले अवरोध गर्यो।
संसदका राष्ट्रपतिलाई धन्यवादसमेत दिन नपाएको भन्दै बुधबार सदनको गतिरोध अन्त्य गर्न सभामुख देवराज घिमिरेले प्रधानमन्त्री प्रचण्डको ध्यानाकर्षण गराएका थिए।