प्रधानमन्त्री पुष्पकमल दाहाल 'प्रचण्ड' ले उपप्रधान तथा गृहमन्त्री रवि लामिछानेलाई कान्तिपुर पब्लिकेशनका अध्यक्ष कैलाश सिरोहियालाई अहिले नै पक्राउ नगर्न भनेको खुलेको छ।
मंगलबार प्रतिनिधि सभा बैठक सुरू हुनुअघि नयाँ बानेश्वरस्थित संघीय संसद भवनमा भेट भएका बेला प्रधानमन्त्री दाहालले गृहमन्त्री लामिछानेलाई अहिले नै सिरोहियालाई नसमाउन भनेका हुन्।
प्रधानमन्त्री प्रचण्डका प्रेस सल्लाहकार गोविन्द आचार्यले कान्तिपुरका अध्यक्ष सिरोहियाको गिरफ्तारीमा प्रधानमन्त्रीको कुनै संलग्नता नरहेको बताएका छन्।
‘कान्तिपुरका अध्यक्षको गिरफ्तारीमा प्रधानमन्त्रीज्यूको कुनै पनि संलग्नता छैन,’ प्रेस सल्लाहकार आचार्यले सेतोपाटीसँग भने, ‘पक्राउ गर्ने भन्ने थाहा पाइसकेपछि प्रधानमन्त्रीज्यूले सदनमा जाने क्रममा गृहमन्त्रीजीलाई अहिले नै सिरोहियालाई नसमात्नू भन्नुभएको हो।’
प्रधानमन्त्री दाहालले कान्तिपुरका अध्यक्ष सिरोहियालाई अहिले नै समात्ने होइन भनेर गृहमन्त्रीलाई भनेका थिए।
‘तर अदालतको पुर्जी रोक्ने अधिकार सरकार, प्रधानमन्त्री र गृहमन्त्रीलाई हुने कुरा भएन। पक्राउ पुर्जी जारी भएकोले सिरोहियालाई समात्नुपर्छ भनेर प्रहरीले भनेको छ,’ आचार्यले भने, ‘सरकारले सिरोहियालाई समात्ने भनेको छैन।’
धनुषा जिल्ला अदालतले मंगलबार कान्तिपुरका अध्यक्ष सिरोहियालाई नागरिकताबारे पक्राउ पुर्जी जारी गरेको थियो।
यो पनि: सहकारी ठगीसम्बन्धी समाचार रोकाउन पक्राउ पुर्जी: कान्तिपुर अध्यक्ष सिरोहिया
-ink-1709107453.jpeg)
-1746009348.jpg)
