नेपाली कांग्रेसका नेता विमलेन्द्र निधिले नागरिकतासम्बन्धी कसुरमा पक्राउ परेका कान्तिपुर मिडिया ग्रुपका अध्यक्ष कैलाश सिरोहियालाई भेटेका छन्।
धनुषा पुगेर बिहीबार निधिले सिरोहियालाई भेटेका हुन्।
जिल्ला प्रहरी कार्यालय धनुषाको हिरासतमा रहेका सिरोहियालाई भेटेर फर्किएपछि निधिले सिरोहियालाई प्रतिशोधपूर्ण तरिकाले सरकारले गिरफतार गरी अनावश्यक दुःख दिएको बताए।
‘कांग्रेसको तर्फबाट, जनकपुरबासीको तर्फबाट म उहँलाई भेट्न आएको हुँ। उहाँविरुद्ध लगाइएको आरोप निराधार र त्रुटिपर्ण हो। हामी उहाँको साथमा छौं। सरकारले तुरून्त उहाँलाई रिहा गनुपर्छ,’ निधिले भने, ‘संचार क्षेत्रमा उहाँको योगदान छँदैछ। लोकतान्त्रिक आन्दोलनमा पनि उहाँको योगदान छ।’
निधिले सिरोहियाको घर आफ्नो घर सामुन्ने रहेको पनि बताए।
‘नागरिकताको बारेमा पञ्चायती व्यवस्थादेखि अहिलेसम्म संविधान र कानुनमा पटक-पटक संशोधन भएको छ। कानुनी त्रुटिको कारण र व्यवस्थपाकीय त्रुटिका कारण रेकर्ड फरक देखिएको हो। उहाँको नागरिकता किर्ते हुँदै होइन, उहाँ अपराधी होइन,’ उनले भने।
सहकारी ठगी प्रकरणमा गृहमन्त्री रवि लामिछानेविरुद्ध कांग्रेसले सदन र सडक दुबै ठाउँमा विरोध जारी राख्ने उनले बताए। ‘सरकारले सदन बन्द गरिदिएको छ, अब हामी ससडकमा विरोध गर्छौं,’ उनले भने।
भिडिओ: