नेकपा एमाले कोशी प्रदेश संसदीय दलको उपनेतामा तिलकुमार मेन्याङ्वो चयन भएका छन्।
विराटनगरमा मंगलबार बसेको दलको बैठकले मेन्याङ्बोलाई उपनेता चयन गरेको हो।
यस अघि राम राना उपनेता थिए। राना आर्थिक मामिला तथा योजना मन्त्रीमा नियुक्त भएपछि संसदीय दलको उप नेताको जिम्मेवारी ताप्लेजुङका सासद मेन्याङ्वोलाई दिएको नेकपा एमाले संसदीय दलका सचेतक कमला दर्नालले बताइन्।
संसदीय दलको बैठकले उपनेता तिलकुमार मेन्याङ्वोको संयोजकत्वमा ५ सदस्यीय कार्यदल बनाएको छ। कार्यदलमा सचेतक कमला दर्नाल, प्रदेश सभा सदस्य तिलचन पाठक, इन्द्रमणि पराजुली र जयप्रकाश चौधरी सदस्य छन्।
कार्यदलले आगामी आर्थिक वर्षका लागि सरकारले प्रदेश सभामा पेश गर्ने बजेट नीति तथा कार्यक्रम कस्तो बनाउने भनेर सुझाव दिने छ। कार्यदलले १८ गते सम्ममा सुझाव दिइसक्ने सचेतक कमला दर्नालले बताइन्।