नेकपा (एकीकृत समाजवादी) का सम्मानित नेता झलनाथ खनालले पार्टीको महाधिवेशनबाट सहमतिमै नेतृत्व चयन हुने विश्वास व्यक्त गरेका छन्।
आइतबार महाधिवेशनबारे जानकारी दिन आयोजित पत्रकार सम्मेलनमा नेता खनालले सहमतिमै नेतृत्व चयन गर्न अन्तिमसम्म प्रयास गर्ने बताएका हुन्।
'महाधिवेशनले दस्ताबेजहरु पास गर्नुका साथै सकेसम्म अन्तिम प्रयत्न गरेर सहमतिपूर्ण नेतृत्व निर्माण गर्छौं,' उनले भने।
त्यसका लागि अहिलेदेखि नै छलफल चलिरहेको र अन्तिमसम्म पनि छलफल चल्ने खनालले बताए।
'त्यो सहमतिपूर्ण नेतृत्व निर्माणका लागि हामी छलफल गर्दैछौँ, गर्छौं र अन्तिमसम्म गर्नेछौँ। यो महाधिवेशन रुपान्तरणकारी महाधिवेशनका रुपमा अघि बढाउनेछौं,' उनले भने।
नेता खनालले पुँजीवादी, सामाजिक, आर्थिक व्यवस्थालाई समाजवादी सामाजिक आर्थिक व्यवस्थामा रुपान्तरण गर्ने बिन्दुसम्म्को कार्यक्रमहरु महाधिवेशनबाट पारित गरिने जानकारी दिए।
एकीकृत समाजवादीको महाधिवेशनले कम्युनिष्ट आन्दोलनलाई थप उचाईमा पुर्याउने बताए। (न्युज एजेन्सी नेपाल)
