रेशम चौधरी पक्राउ परेपछि जनमत–नागरिक उन्मुक्ति पार्टी एकता स्थगित भएको छ।
पार्टी एकता घोषणा सभामा बुधबार मध्याह्न पुगेका नाउपा संरक्षक चौधरी कार्यक्रम स्थल प्रज्ञा भवनबाटै पक्राउ परेका थिए।
त्यसपछि एकता घोषणा अनिश्चितकालका लागि स्थगित गरिएको जनमत पार्टीका अध्यक्ष सिके राउतले जानकारी दिए।
‘पार्टी एकीकरण प्रज्ञा प्रतिष्ठानमा घोषणा हुन लाग्दै रेशमलाल चौधरीलाई नेपाल प्रहरीले कार्यक्रमस्थलमा नै पक्राउ गरेर पुरानो फैसला कार्यान्वय गर्नका लागि डिल्ली बजार जेल पठाएको खबर प्राप्त भएको छ। यसको हामी घोर भर्त्सना गर्दछौं। यस कारणले आजको एकीकरण कार्यक्रम स्थगित गरिएको छ र सम्पूर्ण नेता कार्यकर्ताहरूलाई आ–आफ्नो घर जान आग्रह गरिएको छ। बैठक बसेर अर्को सूचना हामी शीघ्र दिनेछौं,’ राउतले भनेका छन्।
प्रतिनिधि सभामा ६ सांसद भएको जनमत र ४ सांसद भएको नाउपाबीच आज पार्टी एकता भएर नागरिक जनमत पार्टी बन्दै थियो।
यो पनि: जनमत-नाउपा एकता कार्यक्रममा पुगेका रेशम चौधरी पक्राउ
