जेनजी आन्दोलनका क्रममा प्रदर्शनकारीले आगजनी गरेर इटहरी उपमहानगरको भवनमा ठूलो क्षति पुर्याएका छन्।
भवन जलेपछि मंगलबार उपमहानगरको प्रांगणको भुइँमै कार्यपालिका बैठक बसेको छ।
इटहरीका मेयर हेमकर्ण पौडेलले दिएको जानकारी अनुसार कार्यपालिका बैठकले इटहरीमा भएको प्रदर्शनको क्रममा ज्यान गुमाएका दुई जनाप्रति श्रद्धाञ्जली अर्पण गरेको छ। घाइतेहरूको स्वास्थ्य लाभको कामना गरेको छ।
बैठकले नगरमा भएका भौतिक क्षतिको विवरण संकलन गर्ने, इटहरी कार्यपालिका कार्यालय असोज ४ गतेसम्म बिदा दिने र त्यसपछि मात्रै सञ्चालन गर्ने निर्णय गरेको छ।
भदौ २३ र २४ दुवै दिन उपमहानगर कार्यालयमा आगजनी भएको थियो। २३ गते प्रदर्शनका क्रममा इटहरीमा दुई जनाको मृत्यु भएको थियो।
-1746009348.jpg)
