नेकपा (एमाले) का उपाध्यक्ष विष्णु पौडेलले संविधान दिवसको सन्दर्भमा शुभकामना दिँदै विगतमा पार्टी ले लिएका निर्णय गरेका काम र तिनको परिणामका सम्बन्धमा गम्भीर समीक्षा हुने बताएका छन्। सामाजिक सञ्जल फेसबुकमार्फत् शुभकामना सन्देश जारी गर्दै उनले युवा पुस्ताको आकांक्षा, असन्तुष्टि र आक्रोशलाई बुझ्न र सम्बोधन गर्न नसक्नु, भ्रष्टाचार नियन्त्रण, सुशासन एवम् सेवाप्रवाहमा अपेक्षित सुधार हुन नसक्नु जेन्जी आन्दोलनका मुख्य कारण भएको बताएका हुन्।
‘जेन्जी आन्दोलनको क्रममा भएको हिंसा, हत्या, तोडफोड र आगजनीको निष्पक्ष छानबिन गर्न, दोषीहरूलाई कानुन बमोजिम कारबाही गर्न र क्षतिग्रस्त सार्वजनिक तथा निजी संरचनाहरूको यथाशीघ्र पुननिर्माण गर्न सरकारसँग माग गर्छु।
‘जनताको, विशेषगरी युवा पुस्ताको आकांक्षा, असन्तुष्टि, आक्रोशलाई बुझ्न र सम्बोधन गर्न नसक्नु र भ्रष्टाचार नियन्त्रण, सुशासन एवम् सेवाप्रवाहमा अपेक्षित सुधार हुन नसक्नु जेन्जी आन्दोलनका मूख्य कारणहरू हुन्। तर आन्दोलनका क्रममा भएको हत्या हिंसा, तोडफोड र आगजनी पनि त्यत्तिकै निन्दनीय छ,’ उनले भनेका छन्, ‘विगतमा नेकपा (एमाले ले लिएका निर्णय गरेका काम र तिनको परिणामका सम्बन्धमा गम्भिर समीक्षा हुने नै छ। व्यक्तिगत रूपमा आफ्नो तर्फबाट भएका गल्ती कमजोरी र भूलहरूप्रति क्षमायाचना गर्छु।’
एमाले सामु जनतासँग, विशेषगरी नयाँ पुस्तासँग एकाकार भएको, नीति निर्माण र नेतृत्व निर्माणमा युवाशक्तिको निर्णायक योगदान रहेको गतिशील र परिवर्तनको संवाहक शक्तिको भूमिकामा पार्टीलाई स्थापित गर्ने जिम्मेवारी आएको पनि बताएका छन्।
तदनुरूप पार्टीको संगठन, कार्यशैली र आचरणमा परिवर्तन हुने विश्वास लिएको पनि उनको भनाइ छ।
-1758107792.jpg)
-1746513231.jpg)
-1746009348.jpg)
