नेकपा (एकीकृत समाजवादी)को महासचिव घनश्याम भूसाल समूहले मंसिरमा भेला गर्ने भएको छ।
भूसालले बुधबार पत्रकार सम्मेलन गरी त्यसको जानकारी दिएका हुन्।
उनको दलका अध्यक्ष माधव नेपालसहित बहुसंख्यक नेताहरू भने मंगलबार माओवादी केन्द्रसहित १० दलसँग एकता गर्दैछन्।
भृकुटीमण्डपमा एकता घोषणा समारोह भइरहेको छ।
त्यसअघि पत्रकार सम्मेलन गर्दै महासचिव भूसालले एकताका नाममा उल्टो बाटो हिँडेर तमासा देखाइएको बताएका छन्।
यसल कम्युनिस्ट आन्दोलनलाई अझै समस्याग्रस्त बनाउने पनि उनले बताएका छन्।
'हाम्रो नेतृत्व विवादित बन्दै गएको र नेकपा (माओवादी केन्द्रको)नेतृत्वकमाथि ठूला प्रश्न उठेको अवस्थामा आयोजना हुँदै गरेको एकता नेताहरूको नालायकी लुकाउने प्रयासबाहेक केही हुने छैन,' उनले भनेका छन्।
उनले लामो समयदेखि गलत नेतृत्वले अराजनीतिक बनाएको कार्यकर्ताको ठूलो पंक्ति निराश रहेको र अर्को ठूलो पंक्ति आत्मरक्षा वा आत्मस्वार्थको कारणले नेताको पछाडि लागेर सुरक्षा खोजिरहेको पनि बताए।
उनले तथाकथित एकताको भ्रममा नपर्न आह्वान गरेको छ।
'नेकपा एकीकृत समाजवादीको आ-आफ्ने हैसियतमा धैर्यताका साथ रहन र क्रान्तिकारी विकल्प निर्माणबारे छलफल गर्न नेकपा एकीकृत समाजवादीका सम्पूर्ण पार्टी कमिटी, जनसंगठन, विभाग र आयोगका सदस्यहरूलाई हामी आह्वान गर्छौं,' भूसालले भनेका छन्।
-1746009348.jpg)
