गृहमन्त्री ओमप्रकाश अर्यालले पाइलै पिच्छे सुशासनको बाटो हिँडेर देशलाई निर्वाचन मार्फत् निकाससम्म डोर्याउने यस सरकारको अभिभारालाई पूरा गर्ने प्रतिबद्धता व्यक्त गरेका छन्।
गृहमन्त्रीको कामकारबाहीबारे कतिपय जेनजी अगुवाले प्रश्न उठाइरहेका बेला मन्त्री अर्यालले आइतबार सामाजिक सञ्जाल फेसबुकमा स्ट्याटस लेख्दै मन्त्रालयका कतिपय विषय सार्वजनिक गर्न नमिल्नेसमेत बताएका छन्।
‘गृह मन्त्रालय हरेक हिसाबले संवेदनशील मन्त्रालय हो। कतिपय विषयमा के गर्दैछौं त भन्नै मिल्दैन, के गर्यौं समेत भन्न नमिल्ने अवस्था हुन्छ,’ उनले भनेका छन्।
आफ्नो शुद्ध चित्तले कर्म गरिरहने बाहेक सरकारसँग अरू विकल्प नभएको बताए
‘कार्यकालको अन्तिममा जनतालाई हामी धैर्यताका निम्ति धन्यवाद भन्नेछौँ। पाइलै पिच्छे सुशासनको बाटो हिँडेर देशलाई निर्वाचन मार्फत निकाससम्म डोर्याउने यस सरकारको अभिभारालाई पूरा गर्नेछौं,’ उनले भने।
-1746009348.jpg)
