नेपाली कम्युनिस्ट पार्टीको पूर्वपदाधिकारी बैठक बसेको छ।
काठमाडौंमा उपलब्ध पूर्वपार्टी पदाधिकारीहरूको बैठक पेरिसडाँडामा जारी रहेको संयोजक पुष्पकमल दाहाल 'प्रचण्ड'को सचिवालयले जानकारी दिएका छन्।
पार्टीको भावी कार्यक्रम तय गर्नका लागि एकता हुनुअघि पार्टीमा रहेका पदाधिकारीहरू छलफलमा जुटेका हुन्। यसलाई अनौपचारिक बैठक भनिएको छ।
बैठकमा संयोजक प्रचण्ड, सहसंयोजक माधवकुमार नेपाल, वामदेव गौतम, भीम रावल, नन्दबहादुर पुन, अग्नि सापकोटा, पम्फा भूसाल, महिन्द्र राय यादव लगायत सहभागी छन्।
बैठकमा प्रदेशमा एकता सन्देश कार्यक्रम गर्नेबारे स्थान र समय तय गर्ने विषयमा छलफल हुनेछ।
कात्तिक १० कम्युनिस्ट घटकहरूबीच एकता भई नेपाली कम्युनिस्ट पार्टी घोषणा भएको थियो।
भीम रावल पनि सो पार्टीमा जोडिएका छन्।
केन्द्रमा एकता भए पनि पार्टीको प्रदेशदेखि तल्लो कमिटीहरू एकता हुन बाँकी छ।
यो दलले शुक्रबार मात्रै निर्वाचन आयोगबाट मान्यता पाएको थियो।
-1763106181.jpg)
-1746009348.jpg)
