मधेस प्रदेशका मुख्यमन्त्री कार्यालयका कर्मचारीमाथि हातपात गरेको आरोपमा पक्राउ परेका लोसपाका दुई नेता धरौटीमा रिहा भएका छन्।
गए राति लोकतान्त्रिक समाजवादी पार्टी (लोसपा) का पूर्वसांसद परमेश्वर साह र जिल्ला अध्यक्ष जीवेन्द्र झालाई प्रहरीले पक्राउ गरेको थियो। उनीहरू आज धरौटीमा छुटेका हुन्।
प्रमुख जिल्ला अधिकारी प्रेमप्रसाद लुइँटेलले उनीहरू एक-एक हजार रुपैयाँ धरौटी बुझाएर छुटेको सेतोपाटीलाई जानकारी दिए।
मधेस प्रदेशमा एमालेका सरोजकुमार यादवलाई मुख्यमन्त्री बनाउन बर्दिबासको होटलमा शपथ ग्रहण गरेपछि विरोध भएको थियो। त्यसको भोलिपल्ट भएको आन्दोलनको क्रममा कर्मचारीमाथि हातपात भएको थियो।
