प्रदर्शनकैबीच नेकपा (एमाले) निकट राष्ट्रिय युवा संघ नेपालले परवानीपुरमा जागरण सभा सुरू गरेको छ।
बाराको परवानीपुरमा एमाले युवा संघले मधेस जागरण सभा गरिरहेको छ।
त्यसको विरोधमा जेनजीको एउटा समूहले वीरगञ्ज पथलैया सडक खण्डमा विरोध प्रदर्शन गरिरहेका छन्। उनीहरूले बिहानैदेखि त्यहाँ विरोध प्रदर्शन गरिरहेका थिए।
जागरण सभालाई एमाले मधेस इन्चार्ज लीलानाथ श्रेष्ठ, युवा संघ इन्चार्ज राजीव पहारी, युवा संघका अध्यक्ष क्षितिज थेवे, उपाध्यक्ष महाराज गुरूङ लगायतले सम्बोधन गरिरहेका छन्।
महासचिव शंकर पोखरेल, पोलिटब्युरो सदस्य महेश बस्नेत लगायत नेताहरूलाई बोलाएर युवा संघले जागरण सभाको तयारी गरेको थियो।
बस्नेत सहितका नेता आउने भएपछि जेनजीको एउटा समूहले विरोध प्रदर्शन सुरू गरेको थियो। उक्त प्रदर्शनका कारण महासचिव पोखरेल, बस्नेत सहितका नेता काठमाडौंमै रोकिएका थिए।
प्रदर्शनकारीहरूले सिमरा विमानस्थलको गेट तोडफोडसमेत गरेका थिए। त्यसअघि युवा संघ र प्रदर्शनकारीबीच झडपसमेत भएको थियो।
युवा संघ र जेनजी समूहबीचको तनावले स्थिति अप्रिय हुन नदिन जिल्ला प्रशासन कार्यालय बाराले विमानस्थल आसापास राति ८ बजेसम्म कर्फ्यू आदेश जारी गरेको छ।
-1763536163.jpg)
-1746009348.jpg)
