नेकपा (एमाले)का सचिव योगेश भट्टराईले सिमरामा बुधबार भएको घटनाले मुलुककै शान्ति सुरक्षाबारे गम्भीर चिन्ता प्रकट गरेको बताएका छन्।
बुधबार सिमरा विमानस्थलमा जेनजी युवा र एमाले कार्यकर्ताबीच झडप भएको थियो। झडप भएपछि ८ बजेसम्म कर्फ्यु आदेश जारी भएको छ।
एमाले महासचिव शंकर पोखरेल र महेश बस्नेत लगायतका नेताहरू परवानीपुरको कार्यक्रममा सहभागी हुन बारा जाने कार्यक्रम थियो।
उनीहरू आउने भनेपछि जेनजी युवाहरूले विमानस्थलमा प्रदर्शन गरेको प्रहरी बताउँछ।
एमाले सचिव भट्टराई देशको एक ठाउँबाट अर्को ठाउँमा निर्विवाद हिँडडुल गर्न पाउने र राजनीतिक गतिविधि गर्न पाउने अधिकारको सम्मान हुनुपर्ने बताएका छन्।
'यस्ता गतिविधिले आसन्न निर्वाचनलाई थप अन्यौल र अनिश्चयतिर धकेल्ने कुरामा सचेत रहन र शान्ति सुव्यवस्था कायम राख्न सरकारको गम्भीर ध्यानाकर्षण गर्दछु,' उनले भने।
-1746009348.jpg)
