राष्ट्रिय स्वतन्त्र पार्टीले सिमरा घटना गम्भीर भएको बताएको छ। रास्वपा प्रवक्ता मनिष झाले निर्वाचनको माहोल बनाउन राजनीतिक दलले सार्वजनिक कार्यक्रम आयोजना गर्न पाउनुपर्ने बताएका हुन्।
‘निर्वाचनको माहोल बनाउन राजनीतिक दलले सार्वजनिक कार्यक्रम आयोजना गर्न पाउनुपर्छ र सरकारले आवश्यक सुरक्षा उपलब्ध गराउनुपर्छ,’ उनले भने, ‘आज सिमरामा भएको घटना संवेदनशील छ। यसमा राष्ट्रिय स्वतन्त्र पार्टीको गम्भीर सरोकार र सरकारको आवश्यक ध्यानाकर्षण माग गर्दछौं।’
बाराको परवानीपुरमा एमालेनिकट युवा संघले आज मधेस जागरण सभा गरिराखेको छ। उक्त कार्यक्रम बिथल्ने गरी जेनजी समूहले प्रदर्शन गरेको थियो। त्यहाँ झडपसमेत भएको थियो। जेनजीको प्रदर्शनकै कारण जहाज नउडेपछि एमाले महासचिव शंकर पोखरेल, पोलिटब्युरो सदस्य महेश बस्नेत सहितका नेता बारा जान रोकिएका थिए।
-1775034286.jpg)
-1746009348.jpg)
