आसन्न फागुन २१ को प्रतिनिधि सभा निर्वाचनमा झन्डै साढे ८ लाख जनाले पहिलोपटक मतदान गर्ने भएका छन्।
निर्वाचन आयोगका अनुसार यसपालि आठ लाख ३७ हजार ९४ जना नयाँ मतदाता थपिएको छ।
मतदाता नामावलीमा नाम दर्ताको समय कात्तिक मसान्तसम्म रहेकोमा आयोगले समय थप गरी शुक्रबार (कात्तिक ५ गते)सम्म मतदाता नामावलीमा नाम दर्ता कार्यक्रम चलाएको थियो।
शुक्रबार राति १२ बजेसम्मको अद्यावधिक विवरण अनुसार यसपालि फोटो तथा औँठाछापसहितको जैविक विवरण (बायोमेट्रिक्स) मार्फत तीन लाख ४४ लाख ९१४ र राष्ट्रिय परिचयपत्रमार्फत चार लाख ९२ हजार १८० नयाँ मतदाता थपिएको आयोगका प्रवक्ता नारायणप्रसाद भट्टराईले जानकारी दिए।
थपिएका कुल मतदातामध्ये ४ लाख ७३ हजार २५५ पुरूष र ३ लाख ६३ हजार ७८० जना महिला र ६१ जना अन्य छन्।
मतदाता नामावलीमा नाम दर्ता गर्ने अन्तिम दिन मात्रै ७ हजार ८६२ जनाको विवरण दर्ता भएको छ।
आयोगले राष्ट्रिय परिचयपत्रको विवरणका आधारमा मतदाता नामावलीमा नाम दर्ता गराउन मिल्ने गराएपछि अनलाइनबाट नाम दर्ता गराउनेको संख्या थप बढेको हो ।
गत कात्तिक १६ गतेसम्म १८ वर्ष उमेर पूरा भएका मतदाताको संख्या एक करोड ८१ लाख ६८ हजार २३ रहेको थियो।
-1746009348.jpg)
