नेकपा (एमाले) का पोलिटब्युरो सदस्य महेश बस्नेतले जेनजीका नाममा देशव्यापी घुसपैठ भएको बताएका छन्।
विराटनगरमा आइतबार आफूमाथि रातो मसी छ्याप्न खोजिएपछि उनले प्रतिक्रियास्वरू जेनजीले यस्तो गतिविधि नगरेको र घुसपैठ भएको बताएका हुन्।
विराटनगरमा आपूमाथि नेपाली कांग्रेसनिकट नेविसंघका कार्यकर्ताहरूले मसी छ्याप्न खोजेको उनले बताएका छन्।
‘विराटनगरमा ममाथि आक्रमण गर्ने नेपाल विद्यार्थी संघ महेन्द्र मोरङ क्याम्पसका इकाइ सभापति सन्जोग गौतम र सदस्य अर्पित कुँवर हुन् भनेर कांग्रेसकै साथीहरुले बताए,’ उनले भने।
केही दिनअघि उनलाई काठमाडौंको प्रदर्शनशीमार्गस्थित रत्न राज्यलक्ष्मी क्याम्पसमा पनि कालोझन्डा देखाइएको थियो। त्यतिबेला पनि आफूलाई एकीकृत समाजवादीका वडाध्यक्षले कालोझन्डा देखाएको बताएका छन्।
‘आरआर कलेजमा कालो ज्याकेट देखाउने काभ्रेका नेकपा एसका बेथानचोक वडाका अध्यक्ष रहेछन्। बारा सिमारामा सरकारी कार्यालयदेखि निजी घरमा आगजनी गर्ने सम्राट उपाध्याय, पूर्वमन्त्री किसान श्रेष्ठको घरमा धक्का–मुक्का र लुटपाट गर्न पुगेका सुदन गुरुङसहितको टोली माओवादी र टिबटियन ओर्जिनल ब्लडका व्यक्तिहरू हुन्। यी व्यक्तिहरु कुन जेनेरेशन–जेड पर्छन्? जेनेरेशन–जेडको नाममा व्यापक घुसपैठ भएको तथ्य स्पष्ट छ। सिंगो देश राजनीतिक दल र नागरिक सचेत हुन आवस्यक छ,’ उनले भनेका छन्।
-1746009348.jpg)
