नेकपा (एमाले) को ११ औं महाधिवेशनअन्तर्गत प्रतिनिधि छनोटका लागि चुनावी कार्यक्रम सोमबारबाट सुरू भएको छ।
आज अधिकांश जिल्लाले मतदाता नामावली प्रकाशित गरेका छन्।
एमालेमा ७७ जिल्ला र ७ विशेष जिल्ला गरी कूल ८१ वटा जिल्ला कमिटी छन्। त्यसमध्ये अधिकांश जिल्ला कमिटीले आज मतदाता नामावली निकालेका हुन्।
आज मतदाता नामावलीको सूची निकाल्नेले भोलि नामावदीउपर दाबी विरोध र भोलि साँझ नै नामावली निकाल्नेछन्।
यसपछि पार्टी कमिटीको बैठक बसेर संगठित सदस्यको अनुपातका आधारमा प्रतिनिधि संख्या यकिन गर्दै छनोटको प्रक्रिया अघि बढाउँछ।
एमालेले प्रतिनिधि सभा अन्तर्गतको निर्वाचन क्षेत्रलाई आधार मानेर प्रतिनिध चयन गर्छ।
दलित क्लस्टरको हकमा भने जिल्लालाई निर्वाचन क्षेत्र मानिएको छ। यस वर्ष ४० वर्षमुनिका युवालाई अनिवार्य निर्वाचित गर्ने गरी पहिलोपटक एमालेले तल सर्कुलर पठाएको छ।
एमालेले प्रतिनिधि छनोट गर्दा निवार्चन क्षेत्रगतरूपमा जिल्लाभरिकै संगठित सदस्यहरूलाई मतदानमा सहभागी गराउँछ। अर्थात् ६ लाख ६७ हजार ६३० जना पार्टी सदस्य नै यो प्रक्रियामा सहभागी हुनेछन्।
एमालेमा ३५५ सदस्यीय केन्द्रीय कमिटी छ।
२९ सदस्यीय अनुशासन आयोग, ३० सदस्यीय केन्द्रीय लेखा आयोग, २५ सदस्यीय निर्वाचन आयोग, केन्द्रीय सल्लाहकार परिषद् २५ सदस्यीय छ।
केन्द्रीय कमिटी, आयोग तथा निकायका पदाधिकारी एवम् सदस्य भने स्वतः प्रतिनिधि हुनेछन्। बाँकी प्रतिनिधि भने चुनावी विधिबाटै छानिएर, चुनिएर आउनुपर्नेछ।
प्रदेश स्तरीय कमिटीबाट दुई जना महिला सदस्यससहित पाँच जनाका दरले ४५ जना चुनिनेछन्।
प्रतिनिधि सभा निर्वाचन क्षेत्रको हकमा १२ सय पार्टी सदस्य बराबार ४० वर्षमुनिका एक युवा, कम्तीमा एक जना महिलासहित ४ जना प्रतिनिधि निर्वाचित हुनेछन्।
न्यूनतम १२ सय पार्टी सदस्यमा थप ८०० सदस्य नाघेमा थप एक जना महिला प्रतिनिधि र त्यसपछि प्रत्येक थप आठ-आठ सयमा नाघेमा थप निर्वाचित खुला प्रतिनिधि चुनिनेछन्। त्यसभन्दा बढी भएमा सोही अनुपातमा पहिलो ८०० मा महिला र अन्यमा खुला निर्वाचित प्रतिनिधि चुनिनेछन्।
यसबाट करिब ११३५ जना छानिने एमालेले जनाएको छ। यद्यपि गत सचिवालयको बैठकले केही शेष संख्या मिलाएकाले यसबाट करिब १२ सय निर्वाचित हुनसक्ने आकलन गरिएको छ।
एमालेले कमिटीको बैठक राखेर सहमतिको पहल गर्न र सहमति नभएका स्थानमा मंसिर १३ गतेसम्म निर्वाचन सक्ने गरी कार्यतालिका निकाल्न भनेको छ।
एमालेमा ४ विशेष जिल्ला छन्, तीबाट करिब ४७ जना चुनिनेछन्।
दलितका लागि जिल्लालाई नै एक निर्वाचन क्षेत्र बनाएकाले यसबाट करिब ८१ जना निर्वाचित हुने आकलन छ।
मजदुर फाँटबाट ४९, प्रवाबिाट ३५, केन्द्रीय विभागबाट ३२, केन्द्रीय कार्यालयबाट १, २३ जनसंगठनबाट १३७ जना निर्वाचित हुनेछन्।
महासंघीय ढाँचाका जनसंगठनबाट ७ र अन्य संगठनबाट पाँच जनाले निर्वाचित हुनेछन्।
-1763886130.jpeg)
-1746009348.jpg)
