नेपाली कांग्रेसका महामन्त्री विश्वप्रकाश शर्माले महाधिवेशनबारे दुई वटा विकल्प अघि सारेका छन्।
जेनजी प्रदर्शनका क्रममा आगजनीमा परेको इलामस्थित कांग्रेस कार्यालय अवलोकनपछि आज पार्टीका नेता तथा कार्यकर्ताहरूमाझ बोल्दै महामन्त्री शर्माले समय घर्कंदै गए पनि अझै नियमित महाधिवेशन सम्भव रहेको एउटा विकल्प र सभापति शेरबहादुर देउवाको मार्गप्रशस्त गरे पार्टी अघि बढ्ने अर्को विकल्प प्रस्तुत गरेका हुन्।
‘समय घर्किंन्दै गयो, अब नियमित महाधिवेशन सम्भव हुन्छ? तपाईं साथीहरूको जिज्ञासामा- म प्रष्ट छु, सबै ऐक्यबद्ध भएर जुटौं, महाधिवेशन सम्भव छ, विकल्प दुई वटा छन्,’ उनले भनेका छन्।
यस्तो छ महामन्त्री शर्माका दुई विकल्प-
पहिलो विकल्प-
पुस अन्तिम साताका लागि नियमित महाधिवेशन गर्ने गरी अबको बैठकबाट कार्यतालिका निर्माण गर्नेl महाधिवेशन तयारी क्रममा केही दिन समय नपुग्नसक्ने अवस्था देखिए, थप १५ दिन समय लिएर महाधिवेशन सम्पन्न गर्नेl (समानुपातिकको सूची बुझाउने मिति या फागुन २१ कै चुनाव पनि केही पछि सर्न सक्छl शान्तिपूर्ण वातावरण बन्नुपर्ने आवश्यकता र हिमाली क्षेत्रको मौसमी प्रतिकुलता दृस्टिगत गरेर थोरै पछि सर्नसक्ने सम्भावनालाई राजनैतिक सहमति मार्फत हल खोज्नु उत्तम)
दोस्रो विकल्प-
पार्टीका सभापतिज्यूले देशको परिस्थिति, पार्टीको अवस्था र समयको चाप बुझेर `सुवर्ण शमशेर पथ´ पछ्याउन सक्नुहुन्छ, भन्ने मलाई लाग्छl त्यो भनेको ०१४ सालमा झैं स्वयं सभापतिले मार्गप्रशस्त गर्नेl त्यसले एकातर्फ पार्टीले निकास प्राप्त गर्छ, अर्कोतर्फ उहाँको सम्मान र अभिभावकत्वको भूमिकाले उचाइ पाउनेछl ५४ प्रतिशत महाधिवेशन प्रतिनिधिको हस्ताक्षरलाई सम्बोधन नगरी पार्टी अघि जान सक्दैनl (तब ०८२ मंसिर मसान्तमा विशेष महाधिवेशन, ०८३ मंसिरमा नियमित महाधिवेशन गर्न सकिनेछ)
-1763886130.jpeg)
-1746009348.jpg)
