प्रधानमन्त्री सुशीला कार्कीलाई माग पत्र बुझाउन जाने क्रममा प्रवेश नपाएपछि सिंहदरबारको दक्षिण गेटमा माग पत्र टाँसेर मिराज ढुंगाना नेतृत्वको जेनजी समूह बाहिरिएको छ।
सोमबार दिउँसो प्रधानमन्त्री सुशीला कार्कीलाई भेट्न पुगेका जेनजी अगुवाहरू पुगेका थिए।
प्रधानमन्त्री सुशीला कार्कीको प्रमुख स्वकीय सचिव आदर्श श्रेष्ठले सचिवालयमा आफन्त भर्ती गरेको विषयमा ध्यानाकर्षण पत्र बुझाउन उनीहरू त्यहाँ पुगेका थिए।
ध्यानाकर्षण पत्र बुझ्नका लागि प्रधानमन्त्रीले समय नदिएको उनीहरूको गुनासो छ।
यस्तो छ माग:
१. हाल सम्मका सबै भ्रष्टाचार छानबिन गर्न अधिकार सम्पन्न आयोग गठन गर।
२. स्थिर सरकारका लागि प्रत्यक्ष निर्वाचित कार्यकारी प्रधानमन्त्रीको निर्वाचन गर।
३. विदेशमा रहेका नेपाली नागरिकलाई मताधिकारको व्यवस्था गर।
४. जेन - जी विद्रोहलाई तत्काल राजनीतिक आन्दोलन घोषणा गर।
५. सहिद परिवार र घाइतेको उचित व्यवस्थापन गर।
६. २३ गते शान्तिपूर्ण आन्दोलनमा भएको दमनको निष्पक्ष छानबिन गरी दोषी उपर कडा कारबाही गर। २४ गतेको घटनालाई निष्पक्ष छानबिन गरी दोषी उपर कडा कारबाही गर।
७. जेन-जी आन्दोलन लगायतका राजनीतिक प्रतिशोधका आधारमा चलाएका मुद्दाहरू फिर्ता गर र विधिको शासन कायम गर।
८.प्रादेशिक खर्चले देशलाई आर्थिक रूपमा धेरै पछाडि पुर्याएको छ, त्यसैले प्रदेश सरकारका अनावश्यक खर्च व्यापक रूपमा घटाउन प्रदेश सरकारको पुनर्संरचना गर।
९.यी कुरा संविधान पुनरवलोकन र सुधार नगरी नहुने भएकाले तत्काल जनभावना बुझी संविधान सुधार गरी मात्र अर्थपूर्ण चुनावतर्फ लाग।
तस्बिरहरू:
-1763983383.jpg)
-1763983383.jpg)
-1763983381.jpg)
-1763983381.jpg)
-1763983379.jpg)
-1763983379.jpg)
-1763983380.jpg)
-1763983380.jpg)
-1763886130.jpeg)
-1746009348.jpg)
