लुम्बिनी प्रदेशका मुख्यमन्त्री चेतनारायण आचार्यले वर्तमान अवस्था निर्वाचनका लागि प्रतिकुल भएको बताएका छन्।
लुम्बिनी प्रदेशस्तरीय सुरक्षा गोष्ठीलाई सम्बोधन गर्दै मुख्यमन्त्री आचार्यले भदौ २३ र २४ गते आन्दोलनका नाममा सुरक्षाकर्मीका हतियार लुटेर खुल्लम खुल्ला अपराधीहरू हिँडिरहेकाले निर्वाचन हुनसक्ने अवस्था नरहेको बताए।
'अपराधीको एउटा समुह खुल्लम खुल्ला सुरक्षाकर्मीबाट खोसिएका हतियार लिएर डुलेका छन्। त्यस्तो अवस्थामा कसरी चुनाव हुन्छ?,' उनले प्रश्न गरे।
मुख्यमन्त्री आचार्यले नागरिकको घर जलाउनेहरूलाई कारबाही नगर्ने हो भने चुनावका लागि भयरहित वातावरण नबन्ने बताए।
उनले लुम्बिनी प्रदेशमा सरकारी र निजी गरी ३९७ वटा कार्यालय भवन र घर जलेको बताउँदै पीडितहरूको मनोबल बढाउने काममा सरकार लाग्नुपर्ने बताए।
पछिल्लो समय धर्मको नाममा, जातीयताको नाममा दलको नाममा गतिविधि बढेको दाबी गर्दै मुख्यमन्त्री आचार्यले विभिन्न समूहको नाममा सुरक्षाकर्मीमाथि तेजोवध गर्ने काम भएको बताए।
उनले सबैभन्दा पहिले राष्ट्र सेवक सुरक्षाकर्मीको मनोबल बढाउने र जनतालाई प्रवाह गर्ने सेवा चुस्त बनाउनुपर्ने बताए।
-1763886130.jpeg)
-1746009348.jpg)
