नेकपा (एमाले) दोलखाका पूर्वपार्टी सचिव तथा शैलुङ गाउँपालिकाका पूर्वअध्यक्ष भरतप्रसाद दुलाल नेपाली कम्युनिस्ट पार्टीमा प्रवेश गरेका छन्।
आज नेकपाका संयोजक पुष्पकमल दाहाल ‘प्रचण्ड’ र सह–संयोजक माधवकुमार नेपालले उनलाई पार्टी प्रवेश गराएका हुन्।
पार्टी प्रवेशपछि दुलालले वर्तमान वस्तुगत परिस्थिति र कम्युनिस्ट आन्दोलनलाई एकीकृत रूपले अघि बढाउन एमालेभित्र सम्भव नदेखिएकाले आफू नेकपामा आएको बताएको संयोजक प्रचण्डको सचिवालयले जनाएको छ।
दुलाललाई नेपाली कम्युनिस्ट पार्टीले केन्द्रीय सदस्यका रूपमा मनोनीत गरेको छ।