निर्वाचन आयोगले आगामी निर्वाचनका लागि १६८ वटा मतदानस्थल थप गरेको छ।
आयोगका प्रवक्ता तथा सहसचिव नारायणप्रसाद भट्टराईका अनुसार आयोगले आइतबार १६८ वटा मतदानस्थल थप गर्ने निर्णय गरेको हो।
आयोगले मतदातालाई अपायक परेका, जीर्ण रहेका वा प्रयोगमा नरहेका ९३ वटा मतदानस्थल खारेज गरेको हो।
यसबाट साविकमा कायम १० हजार ८९२ मा ७५ वटा मतदानस्थल थपिएर अब देशभर १० हजार ९६७ मतदानस्थल कायम भएको हो।
‘मतदानस्थल पुनरावलोकन गर्ने क्रममा मतदान स्थलको नाम, ठेगानामा रहेको त्रुटि सच्याउने, मतदातालाई पायक पर्ने स्थानमा आंशिक वा सबै मतदातालाई स्थानान्तरण गर्ने, मतदातालाई साविककै अर्को मतदानस्थलमा समायोजन गर्ने लगायतका कार्यहरू सम्पन्न गरिएको छ,’ प्रवक्ता भट्टराईले भने।
-1746009348.jpg)
