नेकपा एमालेको केन्द्रीय कमिटी बैठक सुरू भएको छ। दसौं महाधिवेशनबाट आएको केन्द्रीय कमिटीको यो अन्तिम बैठक हो। यो बैठकपछि दिउँसो १ बजे बन्द सत्र सुरू हुने भनिएको छ।
यसबीच महाधिवेशनका लागि मनोनयन भएका तथा नाम सच्याइएका प्रतिनिधिहरूको कार्ड महाधिवेशन स्थलको बाहिरी गेटमा वितरण सुरू गरिएको छ।
यो बैठकमा अध्यक्ष केपी शर्मा ओलीले पदाधिकारी र केन्द्रीय कमिटीको आकार बढाउने प्रस्ताव ल्याउने तयारी गरेका छन्। उक्त प्रस्ताव आए वरिष्ठ उपाध्यक्ष ईश्वर पोखरेलनिकट नेताहरूले प्रतिवाद गर्ने तयारी गरेका छन्।
अध्यक्ष ओलीले पदाधिकारी संख्या १९ र केन्द्रीय कमिटी ३०१ पुर्याउने गरी प्रस्ताव गर्न लागेको नेताहरूको भनाइ छ। गत भदौको विधान महाधिवेशनले पदाधिकारी र केन्द्रीय कमिटीको आकार सानो बनाएको थियो। नेताहरू व्यवस्थापन गर्न भन्दै अध्यक्ष ओलीले पदाधिकारी र केन्द्रीय कमिटीको आधार बढाउन लागेका छन्।
-1763886130.jpeg)
-1746009348.jpg)
