नेकपा एमालेका अध्यक्ष केपी शर्मा ओली समूहभित्र महासचिव शंकर पोखरेल हाबी भएको भन्दै नेता विष्णु पौडेल निकट प्रतिनिधि असन्तुष्ट बनेको छ।
पौडेल ११ औं महाधिवेशनमा उपाध्यक्ष पदका उम्मेदवार छन् भने पोखरेल महासचिव पदका उम्मेदवार छन्।
पोखरेलले आफू महासचिवमा सुरक्षित बन्दै यसअघिका सचिवहरू पद्मा अर्याल, लेखराज भट्ट र छविलाल विश्वकर्मालाई छोडेर भानुभक्त ढकाललाई उपमहासचिवमा उम्मेदवार बनाएको भन्दै पौडेल पक्ष प्रतिनिधि असन्तुष्ट बनेको हो।
‘महासचिवले आफूलाई फेरि सोही पदमा सुरक्षित राख्नुभयो, स्थायी कमिटी सदस्य भानुभक्तजीलाई उपमहासचिव उम्मेदवार बनाउनुभयो, पहिलेका सचिवजीहरूलाई किन उपमहासचिवमा योग्य देखिएन?,’ पौडेल पक्षका एक नेताले भने।
केन्द्रीय सदस्यमा पनि महासचिव पोखरेलले 'एकलौटी' गरेको भन्दै प्रतिनिधिहरू असन्तुष्ट बनेको ती नेताले जानकारी दिए।
-1763886130.jpeg)
-1746009348.jpg)
