उज्यालो पार्टी नेपालका अध्यक्ष कुलमान घिसिङले जेनजी आन्दोलनको भावनाअनुसार आफूले काम गर्ने बताएका छन्।
शनिबार ललितपुरमा आयोजित एक कार्यक्रमलाई सम्बोधन गर्दै उनले आफू मन्त्री हुँदा पनि जेनजीको भावनाअनुसार काम गरेको र आगामी दिनमा पनि सोही कुरालाई निरन्तरता दिने बताएका हुन्।
उनले आफू जेनजी सहिदको अन्त्येष्टिदेखि उपचाररतहरुको अवस्थाबारे पनि जानकारी लिँदै सबै कुरामा सहभागी भएकाले धेरै कुरामा जानकार रहेको बताए।
‘सहिद परिवारको भावना मैले पनि बुझेको छु, धेरै ठाउँमा पुगेको छु। आर्यघाटमा पुगेको छ। मलाई धेरै पीडा हुन्थ्यो। हामीले बोल्ने भन्दा पनि भावनाले बुझेर काम गरेका थियौं। मैले मन्त्री भएको नाताले सकेको काम जति गरेको छु। स्ट्याच्यु र जेन–जी पार्क बनाउने बारेमा केही समय लाग्यो र त्यो काम अब आउने सरकारले निरन्तरता दिनेछ,' उनले भने।
-1746009348.jpg)
