नेपाली कांग्रेसका नेता तथा मोरङ क्षेत्र नम्बर ६ का उम्मेदवार शेखर कोइरालाले पार्टीले युवाहरूको महत्त्व बुझेको बताएका छन्।
कोइरालाले युवाहरूको विचार पनि आफूले बोकेर हिँडिरहेको बताएका हुन्।
‘युवाहरूको महत्त्व नेपाली कांग्रेसले नबुझेको होइन, युवाहरूको महत्त्व बुझेको छ। तपाईंहरू युवा हुनुहुन्छ भने तपाईंहरूको विचार मैले बोकेर हिँडिराखेको छु, आज होइन ५/७ वर्षदेखि,’ कोइरालाले विराटनगर ४ का स्थानीयहरूसँग बिहीबार कुराकानीका क्रममा भने।
साथै कोइरालाले युवाहरूलाई तीनै तहका चुनावमा अघि बढाउनुपर्ने बताए।
‘स्थानीय चुनावमा ४० प्रतिशत, प्रदेशमा ३० र संघीय चुनावमा २० प्रतिशत युवालाई टिकट दिनुपर्छ भनेर मैले भन्दै आएको छु,’ कोइरालाले भने।
विचारले मानिसलाई युवा बनाउनुपर्ने पनि उनले बताए।
कांग्रेसको एजेन्डा भनेको भ्रष्टाचारमुक्त समाज र सुशासनद्वारा विकासको काम अघि बढाउनु रहेको कोइरालाले बताए।
-1746009348.jpg)
