नेपाली कांग्रेसकी उपसभापति पुष्पा भुसालले अहिले पार्टीको प्रतिस्पर्धा नयाँ पार्टीसँग भइरहेको बताएकी छन्।
बुधबार जनकपुरमा भएको प्रतिज्ञा सभालाई सम्बोधन गर्दै उपसभापति भुसालले त्यस्तो बताएकी हुन्।
नयाँ भनिएका पार्टीले संघीयता नमान्ने बताउँदै उनले संघीयताको पक्षमा कांग्रेसलाई जिताउन अपिल गरिन्।
'संघीयता मान्ने पार्टी नेपाली कांग्रेस भएकाले आज नेपाली कांग्रेसको प्रतिस्पर्धा संघीयता नमान्ने नयाँ पार्टीसँग भइरहेको छ। कांग्रेसको प्रतिस्पर्धा आफ्नो अपराध लुकाउने नयाँ पार्टीसँग भइरहेको छ,' उनले भनिन्।
उपसभापति भुसालले देश बदल्न बाँकी रहेको र यसको नेतृत्व बदलिएको कांग्रेसले गर्ने बताए।
'अहिलेको निर्वाचन भनेको कांग्रेस बदलियो देश बदल्न बाँकी छ। महिलाहरूको सपना, युवाहरुको आधार, दलित समुदाय, मधेसी समुदायको परिवर्तनको मुद्दाको नेतृत्व लिन नेपाली कांग्रेसले नयाँ युगको सुरूवात गर्न खोजेको छ। भविष्य सुनिश्चित गर्न खोजेको छ,' उनले भनिन्, 'त्यसकारण संघीयता र विकासको पक्षमा रहेकाले अनुमोदन गराउने समय फागुन २१ गते हो। ३२ निर्वाचन क्षेत्रबाट कांग्रेसका उम्मेदवारलाई जिताउन लाग्नु।'
-1746009348.jpg)
