प्रतिनिधि सभाको निर्वाचनलाई लक्षित गर्दै जनकपुरमा 'मधेस सभा' गरेको नेपाली कांग्रेसले सुर्खेतमा चुनावी सभा गरेको छ।
गत फागुन ६ गते कांग्रेसले जनकपुरमा पहिलो चुनावी सभा गरी प्रतिज्ञापत्र सार्वजनिक गरेको थियो।
चुनावी सभामा सभापति गगन कुमार थापा र उपसभापति विश्वप्रकाश शर्मा लगायतका नेताहरू सहभागी हुने कांग्रेस प्रवक्ता देवराज चालिसेले जानकारी दिए।
प्रवक्ता चालिसेका अनुसार सभापति थापासहितका शिर्ष नेताहरू हेलिकप्टर मार्फत चुनावी सभामा पुग्ने छन्।
यस्तै ती सभाहरूमा सम्बन्धित प्रदेश भित्रका प्रतिनिधि सभा निर्वाचन क्षेत्रका उम्मेदवार तथा स्थानीय नेताहरू पनि सहभागी हुने छन्।
कांग्रेसले भोलि फागुन १५ गते रूपन्देहीको बुटवल र कास्कीको पोखरामा चुनावी सभा गर्दैछ भने फागुन १७ गते काठमाडौंमा चुनावी सभा गर्ने कांग्रेसको तयारी रहेको छ।
कांग्रेसले कोशी र सुदूरपश्चिममा समेत सभाको तयारी गरिरहेको छ। तर मिति भने तय भइसकेको छैन।
कांग्रेसले आजै बाँकेमा चुनावी सभा गर्ने भएको हो।
-1746009348.jpg)
