नेपाल कम्युनिष्ट पार्टीका संयोजक पुष्पकमल दाहालले आफूलाई चितवन निर्वाचन क्षेत्र नम्बर ३ सँग जोडेर भइरहेको प्रचारबाजीप्रति आपत्ति जनाएका छन्।
बिहीबार पेरिसडाँडामा आयोजित पत्रकारहरूसँग संवाद कार्यक्रममा संयोजक प्रचण्डले निर्वाचन प्रक्रिया शुरु भएदेखि आफू चितवन ३ मा नगएको बताएका हुन्। चि
तवन ३ सँग आफूलाई अहिले जोड्नु भनेको आफू र नेकपाबाट चितवन निर्वाचन क्षेत्र नम्बर ३ की उम्मेदवार रेनु दाहालमाथि अन्याय हुने जिकिर गरे।
'मैले वक्तव्य दिएर रेनुलाई जिताउन पर्यो पनि भनेको छैन। रेनु आफ्नै कर्मले, आफ्नै कामले स्थापित छिन्, परिचित छिन्, त्यो तपाईहरुलाई पनि थाहा छ। म न गएको छु, न वक्तव्य दिएको छु, न अन्तर्वार्ता दिएको छु,' उनले भने।
रेनुले विगत ९ वर्षमा गरेको काम नै उनको प्रचारको मुख्य आधार भएको प्रचण्डको भनाइ छ।
'त्यसकारण मलाई लगेर त्यहाँ जोड्नु जबर्जस्ती गलत हुन्छ। म माथि अन्याय हो, त्यो रेनुमाथि पनि अन्याय हो। रेनुले गरेको कामप्रति पनि अन्याय हो भन्ने लाग्छ,' उनले भने।
-1746009348.jpg)
