राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले मध्यपूर्वी क्षेत्रबाट नेपाल फर्किन चाहनेहरूको लागि आवश्यक प्रबन्ध गरिदिन सरकारसँग अनुरोध गरेका छन्।
शनिबार राति उनले सामाजिक सञ्जालमार्फत तनावपूर्व अवस्थाबारे चिन्ता व्यक्त गरेका हुन्।
उनले नेपालीहरूलाई सुरक्षा संवेदनशीलतालाई मध्यनजरमा राखेर उच्च सतर्कता अपनाउन पनि अनुरोध गरेका छन।
'नेपाल सरकार, परराष्ट्र मन्त्रालय र सम्बन्धित देशका नेपाली राजदूतावास र नियोगहरूलाई नेपालीहरूको अवस्थाबारे निरन्तर जानकारी लिई तत्काल सहायता, सुरक्षित व्यवस्थापन एवं नेपाल फर्कन चाहनेहरुका लागि अविलम्ब आवश्यक प्रबन्ध गर्न आग्रह गर्दछु,' उनले भनेका छन्।
अमेरिका र इसराइलले हमला गरेपछि इरानले खाडी र मध्यपूर्वका विभिन्न देशमा रहेका अमेरिकी सैन्य अड्डाहरूमा लक्ष्य गरेर जबाफी हमला गरेको छ।
शनिबार बिहान इसराइलबाट इरानको राजधानी तेहरान लगायतका ठाउँहरूमा हमला भएको थियो। हमलाको केही पछि मात्रै अमेरिकी राष्ट्रपति डोनाल्ड ट्रम्पले इरानमा अमेरिकाले हमला गरेको बताएका थिए।
जबाफमा इरानले इसराइलमा दर्जनौं ब्यालिस्टिक मिसाइल प्रहार गरेको थियो।
यसरी तनावपूर्व अवस्था सिर्जना भएपछि हवाइ उडानहरू रद्द समेत भएका छन्।
-1746009348.jpg)
