नेपाली कांग्रेसले नवनिर्वाचित प्रतिनिधि सभा र राष्ट्रिय सभाका सांसदहरूलाई अभिमुखीकरण दिने भएको छ।
फागुन २१ को प्रतिनिधि सभा निर्वाचन र माघ ११ को राष्ट्रिय सभा निर्वाचनबाट आएका पार्टीका सांसदहरूलाई कांग्रेसले अभिमुखीकरण दिन लागेको हो।
कांग्रेसबाट प्रतिनिधि सभामा ३८ र राष्ट्रिय सभामा ९ जना सांसद निर्वाचित भएर आएका छन्।
पार्टीका कार्यवाहक मुख्यसचिव कृष्णप्रसाद दुलालका अनुसार चैत १४ गते अभिमुखीकरण दिने तयारी छ।
सांसदहरूलाई संसदीय अभ्यास, प्रक्रिया एवं प्राथमिकता तथा पार्टीको प्रतिज्ञाका बारेमा अभिमुखीकरण दिन लागिएको पनि उनले बताए।
कांग्रेसको बुधबार बसेको केन्द्रीय कार्यसमिति बैठकले सांसदहरूलाई अभिमुखीकरण दिने निर्णय गरेको हो।
-1746009348.jpg)
